ПАЙДАЛАНУШЫ КЕЛІСІМІ

1-бөлім. Терминдер мен анықтамалар

1.1. «Платон» автоматтандырылған ақпараттық жүйесі (бұдан әрі — «Жүйе») — электрондық құжат айналымы құралдарын, оқу процесін басқаруды және жоғары және (немесе) жоғары оқу орнынан кейінгі білім беру процесіне қатысушылар арасындағы өзара іс-қимыл құралдарын біріктіретін бағдарламалық-аппараттық кешен.

1.2. Әкімшілік — «Platonus» ЖШС, БСН 091240015407, заңды және нақты мекенжайы: Қазақстан Республикасы, 010000, Астана қаласы, Есіл ауданы, Алматы көшесі, 1-үй, 15-кеңсе, банктік деректемелері: «Қазақстан Халық Банкі» АҚ, ЕВС KZ28601A871009436671, БСК HSBKKZKX, КБЕ 17, эл. поштасы: sales@platonus.kz.

1.3. Білім беру ұйымы (Оқу орны) — оқу процесін ұйымдастыру және сүйемелдеу үшін Жүйені пайдаланатын жоғары оқу орны немесе өзге білім беру ұйымы.

1.4. Пайдаланушы — Жүйеде тіркелген Жеке кабинеті бар жеке тұлға.

1.5. Жеке кабинет — Пайдаланушы туралы деректерді және Жүйе Қызметтеріне авторландырылған қолжетімділік құқықтарының жиынтығын қамтитын Пайдаланушының есептік жазбасы.

1.6. Құпия сөз — тек Пайдаланушыға белгілі, Жүйеде шифрланған түрде сақталатын және пайдаланушы атымен бірге аутентификация үшін қолданылатын таңбалар тізбегі.

1.7. Қызметтер (ақылы және тегін) — осы Келісімге сәйкес Жүйенің жұмыс істеуі шеңберінде Пайдаланушыға берілетін өнімдер мен қызметтер. Ақылы Қызметтерді көрсету тәртібі мен шарттары (олар болған жағдайда) ақылы қызметтерді көрсету туралы жеке келісіммен және (немесе) нақты қызмет бойынша жеке келісімдермен айқындалады.

1.8. Әкімші — Жеке кабинеттерді әкімшілендіру және Жүйеге мәліметтерді енгізу (өзгерту) жөнінде өкілеттігі бар білім беру ұйымының штаттық қызметкері.

1.9. Келісім — Жүйеге қолжетімділік беру, Жүйені және негізгі Қызметтерді пайдалану шарттарын, Жүйені пайдалануды шектеу, тоқтата тұру және тоқтату тәртібін, тараптардың жауапкершілігін, сондай-ақ Жүйені пайдалануға байланысты Тараптардың өзге де қатынастарын қамтитын осы Пайдаланушы келісімінің және оған қосымшалардың мәтіні. Осы Келісім талаптарын сақтау Жүйені пайдаланудың және негізгі Қызметтерді алудың міндетті шарты болып табылады.

2-бөлім. Жалпы ережелер

2.1. Осы Келісім Қазақстан Республикасы Азаматтық кодексінің 389-бабына сәйкес қосылу шарты болып табылады және Жүйені пайдалану шарттарын реттейді. Келісімнің қолданылуы Пайдаланушыға Жүйеге кіру, Жеке кабинет құру, пайдаланушы атын және уақытша құпия сөзді енгізу сәтінен бастап, сондай-ақ Пайдаланушының Жүйеге пайдаланушы аты мен құпия сөзді пайдалана отырып кейінгі қолжетімділігі кезінде қолданылады. «Тіркеу» батырмасын басу, сол сияқты Жүйені пайдалануды бастау Қазақстан Республикасы Азаматтық кодексінің 396-бабына сәйкес Пайдаланушының осы Келісіммен толық және сөзсіз келісетінін (офертаны акцептеу) білдіреді. Келісім талаптарымен келіспеген жағдайда Пайдаланушы Жүйені пайдалануды бастамауға және (немесе) Жүйе Қызметтерін қарауды не пайдалануды тоқтатуға, сондай-ақ Жүйеде өзі орналастырған кез келген материалдарды жоюға міндеттенеді.

2.2. Жүйені пайдалануға келісе отырып, Пайдаланушы Жүйеде орналастырылатын жаңартулар, ұсыныстар және хабарландырулар туралы ақпарат алуға келісім береді.

2.3. Пайдаланушы Келісімге енгізілетін өзгерістерді өз бетінше қадағалайды және оның қолданыстағы редакциясымен танысады. Осы Келісімге өзгерістер және (немесе) толықтырулар енгізілгеннен кейін Жүйені пайдалануды жалғастыру Пайдаланушының мұндай өзгерістермен және (немесе) толықтырулармен келісетінін білдіреді.

2.4. Пайдаланушыға ақылы Қызметтерді, атап айтқанда Пайдаланушының сұрауы бойынша ақылы негізде берілетін Жүйенің қосымша функционалдық мүмкіндіктерін ұсыну жеке келісіммен реттеледі.

3-бөлім. Жүйеге кіру ережелері

3.1. Жүйеде Жеке кабинетті тіркеу білім беру ұйымының баптауларында көзделген есептік деректерді пайдалану арқылы жүзеге асырылады.

3.2. Жеке кабинетте анық емес немесе дұрыс емес деректер анықталған жағдайда, Пайдаланушы оларды нақтылау үшін білім беру ұйымына жүгінуге құқылы.

3.3. Тіркелу кезінде уақытша құпия сөз пайдаланылса, Пайдаланушы Жүйеге алғаш кіргенде оны тұрақты құпия сөзге ауыстыруға міндетті. Құпия сөз жоғалған жағдайда оны қалпына келтіру Жүйеде көзделген қолжетімділікті қалпына келтіру рәсімі арқылы жүзеге асырылады.

3.4. Жүйеге кіру Пайдаланушының Интернет желісі арқылы Жүйенің клиенттік бөлігіне (веб-интерфейс) авторландырылған қолжетімділігі арқылы жүзеге асырылады. Мобильді қосымша арқылы Жүйеге кіру жеке келісіммен реттеледі. Пайдаланушы өзінің пайдаланушы аты мен құпия сөзінің қауіпсіздігі үшін, атап айтқанда оларға үшінші тұлғалардың қолжетімділігін болдырмау үшін толық жауапты болады. Пайдаланушының Жеке кабинетін пайдалана отырып Жүйеде жасалған барлық әрекеттер, өзгесі дәлелденбесе, Пайдаланушының өзі жасаған әрекеттер болып саналады.

3.5. Пайдаланушы Жүйені оның мақсатына сәйкес пайдалануға міндеттенеді.

3.6. Пайдаланушының қолжетімділігі Жүйені пайдалану негіздері тоқтатылған жағдайларда немесе Қазақстан Республикасының заңнамасында және білім беру ұйымының ішкі актілерінде көзделген өзге де жағдайларда Әкімші тарапынан тоқтатылуы мүмкін.

3.7. Пайдаланушының Жеке кабинетін Жүйеден жою Келісімде және білім беру ұйымының ішкі құжаттарында көзделген жою негіздері болған кезде Әкімші тарапынан жүзеге асырылады.

3.8. Жүйені пайдалануға байланысты талап-арыздарды, сұрау салуларды және өтініштерді Пайдаланушы білім беру ұйымына жіберуге құқылы.

4-бөлім. Әкімшілік пен Пайдаланушының өзара іс-қимыл ережелері

4.1. Әкімшілік Пайдаланушыларға оқу процесін сүйемелдеу үшін қажетті ақпаратты енгізу және қарау мақсатында Интернет желісі арқылы Жүйе Қызметтеріне тәулік бойы қолжетімділікті қажетті қауіпсіздік деңгейін және техникалық қызмет көрсету үшін мүмкін үзілістерді ескере отырып қамтамасыз етуге міндеттенеді. Әкімшілік Пайдаланушыға хабарламай немесе оның келісімінсіз кез келген Қызметтерді көрсету үшін үшінші тұлғаларды тартуға құқылы.

4.2. Әкімшілік Жүйенің уақытша жұмысқа қабілетсіздігі салдарынан, оның ішінде жоспарлы немесе жоспардан тыс техникалық және профилактикалық жұмыстар, интернет-провайдерлердің, компьютерлік желілердің, серверлер мен жабдықтардың техникалық ақаулары, сондай-ақ үшінші тұлғалардың қасақана немесе абайсызда жасаған әрекеттері, Пайдаланушының өз әрекеттері және (немесе) еңсерілмейтін күш жағдайлары салдарынан туындаған Пайдаланушылардың тікелей немесе жанама қаржылық не өзге де залалдары үшін жауапты болмайды. Бұл ретте Әкімшілік Жүйенің жұмысқа қабілеттілігін ең қысқа мерзімде қалпына келтіру міндеттемесін өзіне алады.

4.3. Егер мұндай бұзушылық Жүйе Пайдаланушылары жасаған ақпаратты, материалдарды немесе бейнелерді жасаумен, жүктеумен, орналастырумен, көшірумен немесе өзгертумен байланысты болса, Әкімшілік үшінші тұлғалардың зияткерлік құқықтарының бұзылуы үшін ешбір жағдайда жауапты болмайды.

4.4. Пайдаланушы дербес деректердің Пайдаланушыларды тіркеу, сәйкестендіру, аутентификациялау және авторландыру, Жүйеге және оның Қызметтеріне қолжетімділік беру, олардың жұмыс істеуін қамтамасыз ету, Жүйенің функционалдық мүмкіндіктерін іске асыру, Жүйе арқылы жүзеге асырылатын процестерді ұйымдастыру және сүйемелдеу, шарттық және өзге де міндеттемелерді орындау, Жүйе қатысушыларының өзара іс-қимылын қамтамасыз ету, техникалық және ақпараттық қолдау көрсету, ақпараттық қауіпсіздікті қамтамасыз ету, Қазақстан Республикасы заңнамасының талаптарын сақтау мақсаттарында, сондай-ақ Жүйені пайдаланумен және Пайдаланушыларға тиісті қызметтер мен көрсетілетін қызметтерді ұсынумен байланысты өзге де заңды мақсаттарға қол жеткізу үшін, оның ішінде қызметтерді, процестерді және функционалдық мүмкіндіктерді талдау, жетілдіру және дамыту мақсаттарында өңделетінімен келіседі.

4.5. Қазақстан Республикасының заңнамасында көзделген жағдайларда Әкімшілік дербес деректер операторы ретінде дербес деректердің жекелеген санаттарын дербес түрде өңдеуге құқылы.

4.6. Қазақстан Республикасының заңнамасында көзделген жағдайларда кәмелетке толмаған, әрекетке қабілетсіз немесе әрекет қабілеті шектеулі Пайдаланушының дербес деректерін жинауға және өңдеуге келісімді оның ата-анасы, асырап алушысы, қорғаншысы, қамқоршысы немесе өзге де заңды өкілі Қазақстан Республикасының заңнамасында белгіленген тәртіппен береді.

4.7. Кәмелетке толмаған, әрекетке қабілетсіз және әрекет қабілеті шектеулі Пайдаланушылардың дербес деректерін өңдеу Қазақстан Республикасының дербес деректер, білім беру саласындағы заңнамасының және Қазақстан Республикасының өзге де нормативтік құқықтық актілерінің талаптарын сақтай отырып жүзеге асырылады.

4.8. Пайдаланушы Жүйе немесе мобильді қосымша арқылы іске асырылатын Қызметтерді, оның ішінде банктердің, қаржы ұйымдарының және өзге де ұйымдардың қызметтерін пайдаланған кезде, Қазақстан Республикасының заңнамасына сәйкес сұратылған қызметті ұсыну үшін қажетті көлемде Әкімшіліктің қажетті дербес деректерді тиісті ұйымдарға беруіне келіседі.

4.9. Әкімшілік Пайдаланушының дербес деректерін деректер Жеке кабинетке енгізілген сәттен бастап және Қазақстан Республикасының заңнамасында белгіленген мерзім ішінде өңдейді.

4.10. Пайдаланушы өзінің пайдаланушы атын, құпия сөзін және Жүйеге қолжетімділіктің өзге де деректемелерін ауызша, жазбаша немесе өзге де тәсілмен өзге тұлғаларға хабарламауға міндеттенеді. Әкімшілік Пайдаланушының пайдаланушы атын және құпия сөзін пайдалана отырып үшінші тұлғалардың Жүйеге авторландырылған қолжетімділігі нәтижесінде туындаған деректердің жоғалуы немесе бүлінуі үшін жауапты болмайды.

5-бөлім. Зияткерлік меншік туралы заңнамамен қорғалатын ақпаратты орналастыру ережелері

5.1. Жүйеде ұсынылған барлық материалдар, оның ішінде бейнелер, бағдарламалық код, логотиптер, кестелер, дыбыс файлдары, оқу-әдістемелік материалдар авторлық құқық немесе оларға сабақтас құқық объектілері болып табылады және Қазақстан Республикасының зияткерлік меншік саласындағы заңнамасымен қорғалады.

5.2. Жүйені пайдалану кезінде үшінші тұлғалардың, оның ішінде авторлық және сабақтас құқықтарын, сондай-ақ өнертабыстарға, пайдалы модельдерге, өнеркәсіптік үлгілерге немесе тауар белгілеріне құқықтарын бұзатын ерекше құқықтарды бұзатын ақпаратты, деректерді немесе бейнелерді жүктеуге, Пайдаланушылар арасында беруге, өзгертуге немесе орналастыруға тыйым салынады.

5.3. Пайдаланушы үшінші тұлғалардың зияткерлік қызмет нәтижелеріне және дараландыру құралдарына құқықтарын, атап айтқанда авторлық және оларға сабақтас құқықтарды, сондай-ақ өнертабыстарға, пайдалы модельдерге, өнеркәсіптік үлгілерге немесе тауар белгісіне ерекше құқықтарды бұзғаны үшін жауапты болады.

5.4. Жүйенің бөлімдерінде Пайдаланушы қолданыстағы заңнаманы және (немесе) үшінші тұлғалардың құқықтарын бұзбайтын тек пікірлерді (профиль бейнелерін, хабарлама мәтіндерін және қоса берілген фотосуреттерді қоса алғанда) ғана жариялауға құқылы.

5.5. Әкімшілік құқық иеленушінің талабы бойынша немесе талапсыз-ақ, үшінші тұлғалардың зияткерлік және (немесе) ерекше құқықтарын, оның ішінде авторлық және сабақтас құқықтарын бұзатын Пайдаланушы орналастырған кез келген ақпаратты бұғаттауға құқығын өзінде қалдырады.

6-бөлім. Жүйені пайдалануға тыйым салынған жағдайлар

Пайдаланушыға мыналарға тыйым салынады:

6.1. Террористік қызметті насихаттайтын немесе ұлтаралық, нәсілдік немесе діни араздықты қоздыратын, сондай-ақ зорлық-зомбылықты немесе өлімді бейнелейтін немесе насихаттайтын, кез келген нысандағы порнографияны қамтитын, кәмелетке толмағандарға зиян келтіретін әрекеттерді сипаттайтын немесе бейнелейтін не заңсыз әрекеттерге итермелейтін өзге де ақпаратты Жүйенің бағдарламалық құралдары арқылы немесе өзге тәсілмен жариялау арқылы мәтіндерді, бағдарламаларды, бейнелерді немесе материалдарды жүктеу, орналастыру, беру.

6.2. Алаяқтық схемалардың, желілік маркетинг (MLM) схемаларының, сондай-ақ Интернет желісінде кіріс алу схемаларының сипаттамасын жүктеу, сақтау, пайдалану немесе беру.

6.3. Өзін басқа тұлға, ұйым немесе қоғамдастық өкілі ретінде көрсету, сондай-ақ өзге Пайдаланушыларды жаңылыстыру.

6.4. Жүйеден тыс жерде қолмен немесе автоматтандырылған режимде өзге Пайдаланушылардың деректерін жинау және сақтау.

6.5. Компьютерлік ақпаратты рұқсатсыз жоюға, бұғаттауға, түрлендіруге, көшіруге, компьютерлік ақпаратты қорғау құралдарын бейтараптандыруға, сондай-ақ кез келген компьютерлік немесе телекоммуникациялық жабдықтың немесе бағдарламалардың жұмыс істеуін бұзуға, жоюға немесе шектеуге (компьютерлік вирустар), Жүйенің ақылы Қызметтеріне рұқсатсыз қолжетімділік алуға арналған компьютерлік бағдарламаларды немесе өзге компьютерлік ақпаратты кез келген тәсілмен жасау, тарату немесе пайдалану, сондай-ақ осындай ақпаратқа сілтемелер орналастыру.

6.6. Жүйені пайдалана отырып, Пайдаланушы Жүйенің ақпараттық қауіпсіздігін бұзбауға, атап айтқанда, төмендегі әрекеттерді жасамауға міндеттенеді:

7-бөлім. Академиялық адалдықты бұзғаны үшін жауапкершілік және контентті модерациялау

7.1. Әкімшілік Пайдаланушылар Жүйеде орналастырған барлық материалдарды модерациялауға, яғни осындай материалдардың мазмұны мен сапасын бақылауға және қажет болған жағдайда өз қалауы бойынша, ескертусіз және себептерін түсіндірместен, оларды Жүйенің ішкі модерация регламентіне сәйкес жоюға немесе өзге жерге ауыстыруға құқылы. Әкімшілік модерация рәсімі шеңберінде жасалған әрекеттердің қандай да бір салдары үшін жауапты болмайды.

7.2. Академиялық адалдық қағидаттарын бұзатын әрекеттерді жасау үшін (атап айтқанда, өзге тұлғалардың оқу жұмыстарын өз атынан орналастыру, оқу нәтижелерін бұрмалау) Жүйені пайдалану білім беру ұйымының ішкі актілерімен реттеледі және Жүйе Әкімшілігінің жауапкершілігіне жатпайды.

8-бөлім. Қорытынды ережелер

8.1. Әкімшілік білім беру ұйымын алдын ала хабардар етпестен, осы Келісімнің 5 және 6-бөлімдерін бұзған Пайдаланушыға қатысты дереу шаралар қолдану құқығын өзінде қалдырады. Сонымен қатар, Пайдаланушы осы Келісімді бұзған жағдайда, Әкімшілік Қазақстан Республикасының заңнамасында көзделген жағдайлар мен тәртіппен осы Келісімді және (немесе) Қазақстан Республикасының заңнамасын бұзған Пайдаланушы туралы ақпаратты жинауда және беруде құқық қорғау органдарының өкілдеріне жәрдем көрсетуге міндеттенеді.

8.2. Материалдардың сипатына немесе Жүйенің жекелеген Қызметтерінің ерекшеліктеріне байланысты Әкімшілік мұндай материалдар мен Қызметтерге тіркелу мен қолжетімділіктің, оның ішінде жас шектеулерін және өзге де өлшемшарттарды қоса алғанда, арнайы шарттарын енгізуге құқылы.

8.3. Тараптардың осы Келісім бойынша қатынастары Қазақстан Республикасының заңнамасымен реттеледі.